شیخوپورہ میں ریونیو ریکوری کے لیے گرینڈ آپریشن کا فیصلہ، اسسٹنٹ کمشنر عمران علی ہرل کا افسران کو الٹی میٹم
شیخوپورہ: ریونیو ریکوری اور میوٹیشن کیسز پر اہم اجلاس، اے سی عمران علی ہرل کی سخت ہدایات | اردو پوائنٹ پریس
شیخوپورہ (رانا بابر سلیم سے): ضلعی انتظامیہ نے سرکاری بقایاجات کی وصولی اور زمینوں کے انتقال (میوٹیشن) کے عمل کو تیز کرنے کے لیے کمر کس لی ہے۔ اس سلسلے میں اسسٹنٹ کمشنر شیخوپورہ عمران علی ہرل کی زیر صدارت ایک اہم ترین اجلاس منعقد ہوا جس میں ریونیو افسران، قانونگو اور پٹواریوں نے بڑی تعداد میں شرکت کی۔اجلاس سے خطاب کرتے ہوئے اسسٹنٹ کمشنر عمران علی ہرل نے واضح کیا کہ ریونیو ریکوری کے اہداف کو ہر صورت وقت پر مکمل کیا جائے۔ انہوں نے تمام ریونیو افسران کو ہدایت کی کہ وہ فیلڈ میں خود نکلیں اور بقایاجات کی وصولی میں حائل رکاوٹیں دور کریں۔ ان کا کہنا تھا کہ سرکاری خزانے کی وصولی میں کسی بھی قسم کی رعایت یا سستی کی کوئی گنجائش نہیں ہے۔عوامی شکایات کا نوٹس لیتے ہوئے اے سی عمران علی ہرل نے حکم دیا کہ کھاتہ اور میوٹیشن (انتقالِ اراضی) کے تمام زیرِ التواء کیسز کو میرٹ اور مکمل شفافیت کے ساتھ نمٹایا جائے۔ انہوں نے افسران کو باور کرایا کہ سائلین کو دفاتر کے بار بار چکر کٹوانے کے بجائے ان کے مسائل دہلیز پر حل کیے جائیں۔ “ریونیو سسٹم میں تاخیر یا جان بوجھ کر کوتاہی کرنے والے اہلکاروں کے خلاف سخت تادیبی کارروائی عمل میں لائی جائے گی،” اسسٹنٹ کمشنر نے دو ٹوک الفاظ میں کہا۔اجلاس کے دوران ریونیو معاملات کو جدید خطوط پر استوار کرنے اور عوامی سہولت کے لیے ڈیجیٹل نظام کو مزید بہتر بنانے پر بھی تبادلہ خیال کیا گیا۔ اسسٹنٹ کمشنر نے افسران کو متحرک کردار ادا کرنے کی تاکید کرتے ہوئے کہا کہ انتظامیہ کا مقصد عوام کو ریلیف دینا اور حکومتی پالیسیوں کے ثمرات نچلی سطح تک پہنچانا ہے۔
دنیا بارود کے ڈھیر پر: ایران امریکہ کشیدگی اور پاکستان کی سفارتکاری کا امتحان | تحریر: افتخار بٹ
تازہ ترین اپ ڈیٹس کے لیے ہمیں فالو کریں
اردو پوائنٹ پریس
#MalikTouseefAhmed | #UrduPointPress