گوجرانوالہ: پنجاب ڈویلپمنٹ پروگرام کے تحت لیاقت پارک میں 7 لاکھ گیلن کا انڈر گراؤنڈ واٹر ٹینک آخری مراحل میں داخل، کمشنر محمد علی کا دورہ
وزیراعلیٰ مریم نواز کا وژن: گوجرانوالہ میں جدید شہری سہولیات کے لیے ترقیاتی منصوبوں پر کام تیز، کمشنر کی بروقت تکمیل کی ہدایت
وزیراعلیٰ پنجاب مریم نواز شریف کے وژن کے مطابق گوجرانوالہ ڈویژن میں جدید انفراسٹرکچر، پائیدار شہری سہولیات اور عوام کو بنیادی سروسز کی فراہمی کے لیے ‘پنجاب ڈویلپمنٹ پروگرام’ (PDP) کے تحت ترقیاتی منصوبوں پر کام کی رفتار تیز کر دی گئی ہے۔ اسی سلسلے میں کمشنر گوجرانوالہ ڈویژن محمد علی نے لیاقت پارک کا تفصیلی دورہ کیا اور وہاں جاری ترقیاتی سکیم کا جائزہ لیا۔دورے کے دوران کمشنر محمد علی نے خاص طور پر 7 لاکھ گیلن گنجائش کے زیرِ تعمیر انڈر گراؤنڈ واٹر سٹوریج ٹینک کا معائنہ کیا۔ انہوں نے منصوبے کے تعمیراتی معیار، اب تک کی پیش رفت اور مختلف تکنیکی پہلوؤں کا باریک بینی سے جائزہ لیا، جبکہ متعلقہ افسران نے انہیں منصوبے کے موجودہ مراحل اور متوقع تکمیل کے بارے میں تفصیلی بریفنگ دی۔کمشنر محمد علی نے موقع پر موجود حکام کو سخت ہدایت کی کہ وزیراعلیٰ پنجاب کے وژن کے مطابق اس منصوبے کو اعلیٰ معیار، مکمل شفافیت اور مقررہ وقت کے اندر پایۂ تکمیل تک پہنچایا جائے۔ انہوں نے واشگاف الفاظ میں کہا کہ تعمیراتی کاموں کے معیار پر کسی قسم کا سمجھوتہ ہرگز قبول نہیں کیا جائے گا اور ہر مرحلے کی باقاعدہ نگرانی کی جائے تاکہ یہ منصوبہ دیرپا اور عوامی ضروریات کے مطابق ثابت ہو۔
انہوں نے مزید کہا کہ پنجاب ڈویلپمنٹ پروگرام کا بنیادی مقصد شہری انفراسٹرکچر کو جدید خطوط پر استوار کرنا اور پانی کی فراہمی کے نظام کو مستقل بنیادوں پر بہتر بنانا ہے۔ انہوں نے تمام متعلقہ اداروں کو ہدایت کی کہ وہ باہمی تعاون سے کام کی رفتار کو برقرار رکھیں تاکہ گوجرانوالہ کے شہری جلد از جلد اس اہم عوامی سہولت سے مستفید ہو سکیں۔
ایران کے ’سپر جھٹکے‘: امریکہ میں آرمی چیف تبدیل، اسرائیلی انٹیلی جنس سربراہ غائب | تجزیہ: ملک توصیف احمد
نوٹ: اس تحریر میں بیان کردہ تمام تجزیاتی نکات اور آراء مصنف کی ذاتی تحقیقی بصیرت پر مبنی ہیں، جس کا مقصد قارئین کو عالمی اور علاقائی بدلتی ہوئی صورتحال سے باخبر رکھنا ہے۔ ادارے کا مصنف کی رائے سے متفق ہونا ضروری نہیں۔
مصنف کا تعارف
ملک توصیف احمد کا شمار پاکستان کے سینئر اور متحرک صحافیوں میں ہوتا ہے۔ آپ گزشتہ 19 سال سے زیادہ عرصے سے شعبہ صحافت سے وابستہ ہیں اور بطور تحقیقاتی صحافی و کالم نگار اپنی منفرد پہچان رکھتے ہیں۔
- موجودہ ذمہ داریاں: آپ نجی ٹی وی چینل ‘کوہ نور نیوز’ کے گوجرانوالہ میں بیورو چیف اور پاکستان فیڈرل یونین آف جرنلسٹس (PFUJ) ورکرز کے منتخب سیکرٹری جنرل ہیں۔
- ادارتی خدمات: آپ اردو نیوز پورٹل ‘اردو پوائنٹ پریس’ اور ‘ایم ٹی اے میڈیا سلوشنز’ کے سی ای او (CEO) ہیں۔
- اعزازات: صحافتی خدمات کے اعتراف میں آپ کو حکومتِ پنجاب کی جانب سے بہترین کالم نگار کا ایوارڈ (2017) اور پرویز شوکت ایوارڈ سے بھی نوازا جا چکا ہے۔
- سابقہ خدمات: آپ پریس کلب راہوالی اور گوجرانوالہ یونین آف جرنلسٹس کے سابق صدر بھی رہ چکے ہیں۔
#MalikTouseefAhmed