گوجرانوالہ میں پولیس کا گرینڈ کریک ڈاؤن: 5 مقابلوں کے بعد 2 خطرناک ڈاکو ہلاک، 3 زخمی گرفتار

گوجرانوالہ (17 جولائی): گوجرانوالہ پولیس نے جرائم پیشہ عناصر کے خلاف کریک ڈاؤن کرتے ہوئے ایک ہی دن میں 5 مختلف مقابلوں کے دوران 2 خطرناک ملزمان کو ہلاک اور 3 کو زخمی حالت میں گرفتار کر لیا ہے۔ سی پی او ڈاکٹر سردار غیاث گل خان نے تمام واقعات کا نوٹس لیتے ہوئے متعلقہ ڈویژنل ایس پیز سے تفصیلی رپورٹ طلب کر لی ہے۔
تفصیلات:
تھانہ صدر اور واہنڈو: دو الگ الگ مقابلوں میں ریکارڈ یافتہ ملزمان ‘دانش’ اور ‘عمران عرف مانو’ اپنے ہی ساتھیوں کی فائرنگ کی زد میں آ کر ہلاک ہو گئے۔ دونوں ملزمان قتل، ڈکیتی، راہزنی اور منشیات فروشی کے درجنوں مقدمات میں مطلوب تھے۔ ان کے قبضے سے ناجائز اسلحہ اور موٹر سائیکلیں برآمد ہوئی ہیں، جبکہ ان کے کئی ساتھی فرار ہونے میں کامیاب ہو گئے۔زخمی گرفتاریاں: تھانہ گرجاکھ، سیٹلائٹ ٹاؤن اور فیروزوالہ پولیس کی کارروائیوں کے دوران 3 ملزمان فہد، فیضان اور حسنین کو زخمی حالت میں گرفتار کیا گیا۔ مذکورہ ملزمان راہزنی، موٹر سائیکل چوری اور بچوں کے ساتھ بدفعلی جیسے سنگین مقدمات میں ملوث تھے۔ گرفتار ملزمان کے قبضے سے چھینی گئی رقم، موبائل فونز اور اسلحہ برآمد کر لیا گیا ہے۔
سی پی او ڈاکٹر سردار غیاث گل خان نے کہا ہے کہ ایک پرامن معاشرے کے قیام کے لیے منشیات فروشوں اور جرائم پیشہ افراد کی بیخ کنی ناگزیر ہے۔ پولیس کی جانب سے فرار ہونے والے ملزمان کی گرفتاری کے لیے ایس ڈی پی اوز کی نگرانی میں خصوصی ٹیمیں تشکیل دے دی گئی ہیں اور شہر بھر میں ناکہ بندی سخت کر دی گئی ہے۔

​ایران کے ’سپر جھٹکے‘: امریکہ میں آرمی چیف تبدیل، اسرائیلی انٹیلی جنس سربراہ غائب | تجزیہ: ملک توصیف احمد

تازہ ترین اپ ڈیٹس کے لیے ہمیں فالو کریں

اردو پوائنٹ پریس ملک توصیف احمد (آفیشل)

#MalikTouseefAhmed | #UrduPointPress