سابق مشیر PIMF اور ممتاز کالم نگار راجہ شاہد رشید نے میڈیا سے گفتگو کرتے ہوئے ملکی سیاسی و دفاعی صورتحال پر اہم خیالات کا اظہار کیا ہے۔ انہوں نے زور دیا کہ ملک و قوم کی ترقی و خوشحالی کے لیے حقیقی سیاسی قیادت اور اسٹیبلشمنٹ کے درمیان دوریوں کا خاتمہ وقت کی اہم ضرورت ہے۔​راجہ شاہد رشید کا کہنا تھا کہ بفضلِ خدا موجودہ دور میں فیلڈ مارشل سید عاصم منیر اور بانی پی ٹی آئی عمران خان دونوں ہی عالمی سطح پر مقبول اور معتبر مانے جاتے ہیں۔ انہوں نے کہا کہ زمینی حقائق یہ پکار رہے ہیں کہ عمران خان کی مقبولیت کو قبولیت ملنا لازم و ملزوم ہو چکا ہے، اور اسٹیبلشمنٹ کے ساتھ قربت پیدا کرنا ملکی بقا کے لیے ناگزیر ہے۔​راجہ شاہد رشید نے موجودہ حکومتی سیٹ اپ پر کڑی تنقید کرتے ہوئے کہا کہ عوامی توقعات پر پورا نہ اترنے والی قیادت ملک کو بحرانوں سے نہیں نکال سکتی۔ انہوں نے ن لیگی قیادت کو نشانہ بناتے ہوئے کہا کہ ناتجربہ کاری اور عوامی مینڈیٹ کی کمی کی وجہ سے عوام کے ارمانوں کا خون ہو رہا ہے۔ ان کا کہنا تھا کہ “یہی پھول کھلیں گے تو خوشبو ہوگی، یہی چراغ جلیں گے تو روشنی ہوگی”۔

ہرمز کی لہریں اور امریکی زوال: تزویراتی تجزیہ از ملک توصیف احمد

تازہ ترین اپ ڈیٹس کے لیے ہمیں فالو کریں

اردو پوائنٹ پریس ملک توصیف احمد (آفیشل)

#MalikTouseefAhmed | #UrduPointPress