سوشل میڈیا اکاؤنٹ سے وزیراعلیٰ پنجاب مریم نواز شریف کے خلاف ایک انتہائی تضحیک آمیز پوسٹ شیئر کی گئی تھی، جس میں ان کی انتظامی پالیسیوں کو تنقید کا نشانہ بنایا گیا تھا۔

​لاہور (سپورٹس ڈیسک)پاکستان کرکٹ بورڈ (PCB) اور مختلف فرنچائزز کی جانب سے قومی کھلاڑیوں کے خلاف انضباطی کارروائیوں کا ایک بڑا ریلا سامنے آیا ہے، جس نے کرکٹ حلقوں میں ہلچل مچا دی ہے۔ ان کارروائیوں میں سب سے زیادہ بحث قومی فاسٹ بولر نسیم شاہ پر ہونے والے بھاری جرمانے کی ہو رہی ہے۔تفصیلات کے مطابق نسیم شاہ کے آفیشل سوشل میڈیا اکاؤنٹ سے وزیراعلیٰ پنجاب مریم نواز شریف کے خلاف ایک انتہائی تضحیک آمیز پوسٹ شیئر کی گئی تھی، جس میں ان کی انتظامی پالیسیوں کو تنقید کا نشانہ بنایا گیا تھا۔ یہ پوسٹ وائرل ہوتے ہی سیاسی اور کرکٹ حلقوں میں طوفان کھڑا ہو گیا۔ پی سی بی نے اسے سینٹرل کنٹریکٹ کی سنگین خلاف ورزی قرار دیتے ہوئے نسیم شاہ پر 2 کروڑ روپے کا بھاری جرمانہ عائد کر دیا ہے۔​نسیم شاہ نے اس معاملے پر فوری ردِعمل دیتے ہوئے اپنی پوزیشن واضح کی ہے۔ ان کا کہنا ہے کہ وہ خود اس پوسٹ سے لاعلم تھے اور یہ ان کے سوشل میڈیا مینیجر کی دانستہ یا نادانستہ غلطی تھی۔ نسیم شاہ نے وزیراعلیٰ پنجاب سے معذرت کرتے ہوئے اپنے اس مینیجر کو فوری طور پر ملازمت سے فارغ کر دیا ہے، تاہم پی سی بی نے ضابطے کی کارروائی کو برقرار رکھا ہے۔صرف نسیم شاہ ہی نہیں، بلکہ دیگر ستارے بھی جرمانوں کی زد میں ہیں۔ لاہور قلندرز کے کپتان شاہین شاہ آفریدی پر ٹیم کے مقررہ سکیورٹی پروٹوکولز کی خلاف ورزی کرنے پر ایک لاکھ روپے جرمانہ کیا گیا ہے۔​دوسری جانب، جارح مزاج بلے باز فخر زمان کے لیے مشکلات بڑھتی دکھائی دے رہی ہیں، ان پر میچ کے دوران ‘بال ٹیمپرنگ’ (گیند کی حالت بدلنے) کے سنگین الزامات کے تحت باقاعدہ کیس چلایا جا رہا ہے۔ اسی طرح حسن علی پر بھی میچ ڈسپلن کی خلاف ورزی پر ان کی میچ فیس کا 10 فیصد کٹوتی کا حکم جاری کیا گیا ہے۔ان تمام تنازعات اور جرمانوں کے سائے میں پی ایس ایل کا میلہ بدستور جاری ہے۔ کرکٹ شائقین کی نظریں آج لاہور کے قذافی اسٹیڈیم پر جمی ہیں جہاں اسلام آباد یونائیٹڈ اور پشاور زلمی کے مابین ایک کانٹے دار مقابلہ متوقع ہے۔ ماہرین کا کہنا ہے کہ میدان کے باہر کے یہ تنازعات کھلاڑیوں کی کارکردگی پر اثر انداز ہو سکتے ہیں۔

پاک فوج کا افغان طالبان کو منہ توڑ جواب

تازہ ترین اپ ڈیٹس کے لیے ہمیں فالو کریں

اردو پوائنٹ پریس ملک توصیف احمد (آفیشل)

#MalikTouseefAhmed | #UrduPointPress