گوجرانوالہ: سیکرٹری تعلیمی بورڈ پروفیسر رشید احمد بھٹی کا نو تعمیر شدہ ملٹی پرپز ہال کا دورہ، انتظامات کا جائزہ
سیکرٹری تعلیمی بورڈ گوجرانوالہ کا نئے تعمیر شدہ ملٹی پرپز ہال کا دورہ، امتحانی انتظامات کا جائزہ
تعلیمی بورڈ گوجرانوالہ کے سیکرٹری پروفیسر رشید احمد بھٹی نے بورڈ کی حدود میں نو تعمیر شدہ اسٹیٹ آف دی آرٹ ملٹی پرپز ہال کا خصوصی دورہ کیا۔ اس دورے کا بنیادی مقصد امتحانات کے لیے فول پروف سیکیورٹی اور انتظامی سہولیات کی دستیابی کو یقینی بنانا تھا۔ معائنے کے دوران ریسرچ اینڈ کوآرڈینیٹر آفیسر (RCO) پروفیسر عاطف محمود تارڑ اور سیکیورٹی آفیسر طارق غفور بھی ان کے ہمراہ تھے۔ سیکرٹری بورڈ نے ہال کے مختلف حصوں کا معائنہ کیا اور وہاں موجود جدید سہولیات پر اطمینان کا اظہار کیا۔ پروفیسر رشید احمد بھٹی نے ہال میں طلبہ کے بیٹھنے کی گنجائش، روشنی کے نظام (Lighting System)، وینٹی لیشن اور پینے کے صاف پانی کی فراہمی کا باریک بینی سے جائزہ لیا۔ انہوں نے متعلقہ حکام کو ہدایات جاری کیں، امتحانی عمل کو مکمل طور پر شفاف اور میرٹ کے مطابق بنایا جائے۔پرسکون ماحول: طلبہ کو ذہنی دبا ئوسے پاک اور سازگار ماحول فراہم کیا جائے تاکہ وہ بہتر کارکردگی دکھا سکیں۔ سیکیورٹی آفیسر طارق غفور نے بریفنگ دیتے ہوئے بتایا کہ ہال کی نگرانی کے لیے سی سی ٹی وی کیمروں اور جدید سیکیورٹی آلات کا استعمال کیا گیا ہے تاکہ کسی بھی ناخوشگوار واقعے سے بچا جا سکے۔ اس موقع پر گفتگو کرتے ہوئے پروفیسر رشید احمد بھٹی نے کہا:”یہ ملٹی پرپز ہال تعلیمی بورڈ کے انفراسٹرکچر میں ایک اہم اضافہ ہے۔ ہمارا مقصد نہ صرف امتحانات کا انعقاد ہے بلکہ طلبہ کو بین الاقوامی معیار کی سہولیات فراہم کرنا ہے تاکہ امتحانی عمل میں کسی قسم کی دشواری پیش نہ آئے۔
خدارا ہمیں پاکستان سے بچائیں، طالبان حکومت نے گھٹنے ٹیک دیے
تازہ ترین اپ ڈیٹس کے لیے ہمیں فالو کریں
اردو پوائنٹ پریس
#MalikTouseefAhmed | #UrduPointPress