پیرا انفورسمنٹ اسٹیشن کا دورہ: کمشنر گوجرانوالہ محمد علی کی زیرِ تعمیر نیو پیرا سٹی کا معائنہ، کام تیز کرنے کی ہدایت
کمشنر گوجرانوالہ ڈویژن محمد علی نے پیرا انفورسمنٹ اسٹیشن تحصیل صدر کا اچانک دورہ کیا
گوجرانوالہ: 15 جولائی 2026ء – کمشنر گوجرانوالہ ڈویژن محمد علی نے پیرا (PERA) انفورسمنٹ اسٹیشن تحصیل صدر کا اچانک دورہ کیا، جہاں انہوں نے دفتری نظم و نسق، انتظامی امور اور دستیاب سہولیات کا تفصیلی جائزہ لیا۔ دورے کے دوران میڈم خوشبہ نے کمشنر کو ادارے کی مجموعی کارکردگی، دفتری امور اور جاری سرگرمیوں کے حوالے سے تفصیلی بریفنگ دی۔بعد ازاں، کمشنر محمد علی نے زیرِ تعمیر “نیو پیرا انفورسمنٹ سٹی” کی عمارت کا موقع پر معائنہ کیا اور وہاں جاری تعمیراتی کاموں کی پیش رفت، مٹیریل کے معیار اور تکنیکی امور کا جائزہ لیا۔ اس موقع پر متعلقہ تکنیکی افسران نے منصوبے کی موجودہ صورتحال، ڈیڈ لائن اور درپیش مسائل کے بارے میں کمشنر کو بریف کیا۔کمشنر محمد علی نے افسران کو ہدایات جاری کرتے ہوئے کہا کہ تعمیراتی کاموں کی رفتار کو مزید تیز کیا جائے تاکہ یہ عوامی منصوبہ مقررہ وقت پر مکمل ہو کر فعال ہو سکے۔ انہوں نے دوٹوک الفاظ میں واضح کیا کہ تعمیراتی معیار پر کوئی سمجھوتہ برداشت نہیں کیا جائے گا اور ہر مرحلے کی سخت نگرانی کی جائے۔کمشنر نے مزید کہا:
“وزیراعلیٰ پنجاب مریم نواز شریف کے وژن کے مطابق جدید انفراسٹرکچر کی تعمیر اور بہترین عوامی خدمات کی فراہمی ہماری اولین ترجیح ہے۔ پیرا انفورسمنٹ کے دفاتر کو جدید خطوط پر استوار کرنے سے نہ صرف محکمانہ کارکردگی بہتر ہوگی بلکہ شہریوں کو بھی بروقت ریلیف ملے گا۔”انہوں نے تمام متعلقہ محکموں کو باہمی کوآرڈینیشن بہتر بنانے اور منصوبے کی شفافیت و معیار کو ہر صورت برقرار رکھنے کی سخت تاکید کی۔
ایران کے ’سپر جھٹکے‘: امریکہ میں آرمی چیف تبدیل، اسرائیلی انٹیلی جنس سربراہ غائب | تجزیہ: ملک توصیف احمد
تازہ ترین اپ ڈیٹس کے لیے ہمیں فالو کریں
اردو پوائنٹ پریس
#MalikTouseefAhmed | #UrduPointPress